(von Rita Effinger-Keller)

• Komm mach mal Deine Auga zua, und träum a bissle vor Di na,
• komm, komm zu Dir, und komm in d´Ruah, und träum, was älles werda ja
• in zehn, zwölf Johr, des hot´s fei glei- wie soll denn da Dei Leba sei?
• Was wird, was war in zehn, zwölf Johr, horch in Di nei, wie könnts am schönsta sei?

Guck na, wie Du gern läba wetsch, mit wem und wo, wie Du´s gern hättsch

Was soll bis do na anders sei? Bleib drin im Bild, fühl in Di nei,

Wie sieht´s wohl aus, wie fühlt sich´s a, träum ruhig, was aus Dir wera ka,

in zehn, zwölf Johr, des hot´s fei glei- wie könnt denn da a gutes Leba sei?

Guck weiter no, a wenig in d´Fern, und guck au übern Tellerrand.

Die Welt isch anders, hosch se gern? Wie lebt sich´s denn in unserm Land?

In zehn, zwölf Johr, des hot´s fei glei- wie soll es denn in Hausa sei?

Komm trau Di ruhig, und sei so frei, guck in Di nei, wie könnts am besta sei….?